सार्वजनिक आरोग्य व कूंटूब कल्याण राज्यमंञी मेघना बोर्डीकर यांच्या अध्यक्षतेखाली निर्मल भवन मुंबई येथे आरोग्य कर्मचाऱ्यांच्या विविध मागण्यांबाबत बैठक संपन्न झाली.
पावसाळ्यात ग्रामीण भागात विविध आजारांचे प्रमाण वाढते. त्यामुळे केवळ आरोग्याच नव्हे, तर कुटुंबांचे आर्थिक नुकसानही होते. त्यामुळे आरोग्य कर्मचाऱ्यांची संख्या वाढवून नागरिकांना उत्तम सेवा मिळावी यासाठी प्रयत्न व्हायला हवेत.
बायोमेट्रिक प्रणालीत सुधारणा करावी, प्रशिक्षण केंद्रांची संख्या वाढवावी तसेच कर्मचाऱ्यांना प्रोत्साहन मिळण्यासाठी पदोन्नती देण्यात यावी किंवा आर्थिक लाभ देण्याचाही विचार करण्यात यावे असे निर्देश यावेळी आरोग्य राज्यमंञी मेघना बोर्डीकर यांनी उपस्थित अधिकाऱ्यांना दिले.
तसेच आरोग्य कर्मचाऱ्यांच्या विविध मागण्यांचा सकारात्मक विचार केला जाईल, असेही त्यांनी आश्वस्त केले.
या बैठकीला विधानसभा सदस्य मोनिकाताई राजळे,विधान परिषदेचे सदस्य संजय केनेकर, सार्वजनिक आरोग्य विभागाचे आयुक्त अमगोथू श्रीरंग नायक तसेच मंत्रालयातील वरिष्ठ अधिकारी उपस्थित होते.
0 Comments